Javascript Menu by Deluxe-Menu.com
Paschal Message in Yup'ik - 04/30/16

Lazarus-aamek Paaskaamun Uterrluni-llu

Orthodox-aartarmi Agayuvigmi, Yagpak nanglartuq Tallimiritmi Holy Week-aq ayagnirpailgan.  Holy Week-am agayuyarai ayagnilartut Bridegroom Matins-mek Agayunrem atakuani.  Akunliigni ukuk I-yiim  Holy Week-am-llu cakviurnarqellra  ellma qacigartelartuq.  Ukuk malruk erenreq  waten ap’laragka “Mernuinercirvia Neryuniurutem”.  Maqinermi umyuaqelararput makcecimallra Lazarus-aam qungugnek tekitevkarluta Uqviayarmun.  Una nallunailkutnguuq agiirtellra Kristuss-aam unguillran nasvallra piliaminun piningqerucini tuqmalriit makcecugngaluki.  Qungugnek Ellminek makpailegmi, yugnikekni maktaa qunguanek; Lazarus-aaq ataam tuqunqigtarkaungermi uitaqerciquq nallunairciqluku Kristuss-aam unguillra tuqumalrianek.

Kristuss-aam unguillra tuqumalrianek taqevkaraa umyuaqellra tuqum iquuluku yuucimtenun.  Alikenrirnarqaput tuqu amiigi-llu tuunraam nuniin tua-i piunriaki Kristuussam.  Qunguut tangernarqenritaput alingnarqellriaruluki, tua-i cimiumiin mernuinercirviurrluku imkunun kenkilrianek Agayutmek utaqaluku-llu utertellerkaa.  Holy Friday-mi atullrukut, “Imairaten tamalkuita Tuunraam nuniin nengutai.”  Cali Holy Saturday-mi atullrukut, “Tuunraam nunii yuuniarauq qanerluni, ‘Imkut pinimkun igellrenka miryaranka.  Imum ussukcausngallrem imairai qunguut.  Pinia tuqum piunriumauq.’”  Lazarus-aamek ayagniumalleq qaqicimauq Kristuussami Paaskaami cali waniwa ucurnaqluni cikiutngurtuq imkunun utaqalgilrianun Aipiriluni Tekitenqigtellerkaanun.  Ayagtukut Lazarus-aam Maqinranek Paaskaamun, uterrluta-llu imkut pitekluki kenkekngaput Kristuussami cali tengrumtenek cikirluki atuusqelluku Paaskaaq wangkuciicetun. “Kristuussaq unguirtuq cali tuunraam nunii anagtaurtuq”, qanertuq St. John Chrysostom-aaq Paaskaami qanerturallermini.

Tamamta tamarillrukut mallgeskemtenek kenkakun.  Wall’u-qaa aipaqliaput, Atavut wall’u Aanavut, nakmiin anelgutput wall’u yugnikekvut.  Nallunrilkumteggu Paaskaaq nallunriciiqerput nakmiin Mernuinercirvigput Neryuniurutmek, tekitelaqput allrakuaqan mat’um nalliini. Kenkuyutvut nutarcimalartuq Agayutem caliarakun wangkuta pitekluta, cali nutartela’araa neryuniurutvut taumi ataucimi ernermi, tauten Lazarus-aatun, qungunek maketnaurtut, wangkuta-llu nayurrlainarluta Nutarami Erenrani Kristuss-aam Unguillrani tuani naullunartailngurmi wall’u qiaculngunailngurmi, taugaam kiingan unguvamek nangyuilngurmek.

Piicauteka’aqa cikiumasqelluci matumi Tanqilriami Paaskaami nutarcimalriamek neryuniurutmek nangnermek angnirnarqellriamek unguvam piunrullerkaanek tuqumi,  yuullerkamek tuqunanrirluta  cali iquklitarkat ataam ayagniutngusqelluki.  Unguilleq Kristuss-aaq piuli elpecenun kangiurlluni tamalkuan tanqigmun cali unguvamun, neryuniurutmun cali angnimun, tekitellerkaa engelekluku taum Angelriim Erenrem ertellerkaa tamalkuitnun yugnun.

Kristuussaq unguirtuq!  Ilumun unguirtuq!

Pisteci Pistengulriani,

+ David, Allgiliyaulria Sitka-mi cali Alaska-mi

Share This:



< PreviousNext >



Ancient Faith Radio

Bookmark and Share
Powered by Orthodox Web Solutions Home | Back | Print | Top


Diocese of Sitka & Alaska
7031 Howard Ave
Anchorage, AK 99504
907-677-0224

Email:
bishopdavidofalaska@gmail.com
webmaster@dioceseofalaska.org

 News | Announcements
 All






Bookmark and Share